Hück stonn mer he zosamme, öm dat Jubelpaar huh levve ze loße.
Un dat kom esu; ene Jeck, dat wor der Raimund us däm Alpehingerland, hä kom met däm Rädche, un hät in Kölle, noh Arbigg gesök. Hät hä jefunge - un bovvedropp gov et noch en Kölsch Mädche, dat Emmi.
Freud un vürallem Üvverraschung, denn jeplant han die beidse dat nit, wore wohl de Pute, drei an der Zahl. Zwei Junge un en Mädche. Alle drei sin jetz selbs met Pänz ungerwägs. Dat han sie god hinbekumme.
Su üvver de Zigg gov et immer widder Veränderunge, dat süht mer am beste an der Bewägungshilfsmeddel. Do gov et als eeschtes en Horrex, un als hätt et Herrgötche et nit gewollt, hat der Raimund ene Kladeradatsch. Es god gegange, bes op de Strecksehn is nix üvverischgeblevve! Ich mein, manchmol…, näh, ävver eigentlich nit. Jo un dann kom eine Käfer, noch met dem Bretzel. Kunt eine Belgische Zaldat nit ligge. En Neppes gov et ne Titsch op der linke Sigg. Wot dann repareet. Esu kom et, dat der beste Fründ, der Heinz, der hat eine Benz övverisch, an dem woot vill gebastelt. Hat su jeckig, brung Löcher. Wor kein Dauerlösung, un deshalb woot dä eeschte Neuwage gekauf. VW Variant met Heckmotor. Irgendwie log der irgendwann ens em Grave, als mer noh Herleshausen gefahre sin. Et wot repareert!
Ich gläuv, he kütt mer su langsam dohinger, watt ich sage will; et kütt wie et kütt un nix bliev wie et ess. Dat ganze Levve is en Bastelei. Un gemeinsam suwisu.
Die zwei hann fuffzig Johre meteinander, gemeinsam, ehre Weg gefunge un alles gedeilt. Nit dat allemol eitle Sunnesching wor, ävver se han sich eesch getraut, sich ze traue, un dann han se dat Metenander erarbick. Denn dat es die Kuns; ohne sich selvs opzegevve, singem Schatz alles Gode angedeie ze loße.
Mer wünsche dem Jubelpaar noch vill gemeinsame, gesunde un glöckliche Johr.
Vun üürer Famillisch
Aufgerufen: 288
Artikel kommentieren
Kommentar schreiben
Bitte orientiere Deinen Kommentar am Thema des Beitrages.
Persönliche Angriffe und/oder Diffamierungen werden gelöscht.
Das Benutzen der Kommentarfunktion für Werbezwecke ist nicht gestattet. Entsprechende Kommentare werden gelöscht.
Bei Fehleingaben lade diese Seite bitte neu, damit ein neuer Sicherheitscode generiert werden kann. Erst dann klicke bitte auf den 'Senden' Button.
Der vorgenannte Schritt ist nur erforderlich, wenn Sie einen falschen Sicherheitscode eingegeben haben.
Impressum 
